باسم يوسف تعليقا على أمر ضبطه : النائب العام علينا حق ..وهنستفاد من الموضوع ده بأى سبوبة


بدأ باسم يوسف مداخلته التليفونية مع الاعلامية لميس الحديدى في برنامجها "هنا العاصمة" للحديث عن ملابسات الضبط والاحضار الخاصة به والمقرر ان يحضر امام النائب العام صباح الغد بكلمة "جود افينينج مدام لميس good evening  " فقالت له لميس الحديدى ساخرة "انت من مصر الجديدة ؟ " تعليقا على احدى المكالمات الهاتفية التى اجرتها لميس مع احدى المشاهدات في برنامجها وكان محط سخرية من باسم يوسف في برنامجه "البرنامج" ، وقال يوسف انه في انتظار البوكس ليأخده من بيته لكى يقوم بعمل سياحة بسيطة "
وقال باسم "الشق القانونى اللى مبفهمش فيه اوى الا وهو المفروض يكون في استدعاء لسماع الاقوال وبعد كده يكون فيه ضبط واحضار .. اذ فجأة ضبط واحضار معناه انىهم استدعونى وانا مجتش او استعبط ... وانا المحامى بتاعى بسألأ بشكل مستمر ... واحنا هنرووح لسبب بسيط علشان ميقولوش اننا هربانين ونثبت موقف علشان دلى بأصوتنا "
وقال باسم " مين اللى بيزدرى الاديان مش هى برضه تلك القنوات الدينية التى ازدرت الاديان وهم ومن معهم و قبل ما يحققوا معايا يشوفوا مين اللى بيزدروا الدين  واساءوا له واساء للأديان الاخرى وانا كواحد مسلم غيور على دينى لا اقبل ان دينى يتبدهل على يد هؤلاء الناس ولو هما شايفين ان برنامجى اراجوز انا هفضل اوقف قدامهم "
وتساءلت لميس "وماذا عن تهمة اهانة الرئيس يا باسم ؟"
فرد باسم ساخرا  : " يا خبر ابيض ...الريس ده على عينا وراسنا من فوق ...احنا برضه نقدر نهينه ...لا عاش ولا كان ... ده اول رئيس منتخب ياخوانا  "
وسألته لميس : قلقان انهم يقبضوا عليك في اى وقت وانت ماشي في الشارع بعربيتك ؟؟ ... دول ممكن يعملولك لجنة مخصوص علشان يقبضوا عليك ؟؟
فرد باسم : لا انا رخصى تمام وسليمة يا مدام لميس الحمدلله  ، وانا مكانى معروف ويشرفوا في اى وقت ..اهو يوفروا علينا مواصلات بكرة واحنا رايحين النيابة ... لكن احنا هاندخل ازاى للنائب العام بكرة ؟؟؟ غالبا هبات انا والبوكس على السلم لان الابواب هناك مغلقة بالجنازير ... المهم بس نعرف احنا راحين فين جايين منين ...نطلب دليفيرى فى النص علشان الموضوع هيطول .
سأللته لميس :انت خايف يا باسم ؟
رد باسم : يا فندم الموت علينا حق  .... والنائب العام علينا حق .... واحنا هنعمل حلقة باللى بيحصل ده ...  واهو نستغل الموضوع ده باى سبوبة بقى يا فندم "   ردت لميس : استنانى بقى يا باسم علشان انا يومين و هتلاقينى جاية في السكة انا كمان ....
قال باسم : يا فندم تشرفنى يا فندم .. تعالى ونجيب كل بتوع مصر الجديدة وجود ايفينيج مدام لميس ...
وقالت له لميس فى نهاية المكالمة : good luck ya bassssim
فيما كتب باسم عده تغريدات على الحساب الخاص به على موقع "تويتر " منذ صدور خبر ضبطه واحضاره قائلا :
_ أمر الضبط و الاحضار صحيح. ساتوجه غدا الى مكتب النائب العام الا لو تفضلوا بإرسال بوكس ليأخذني اليوم و يوفر علينا المواصلات.
_ياللا نحضر عيش و حلاوة؟ :)_يا جماعة افضل رد لهذا الاعتداء السافر على الحريات انكم تعملوا انفولو لمرسي عشان اعديه في الفولورز. يا له من رد مزلزل._"انت جاي تدلي باقوالك و لا جاي تهرج؟" "لا يا فندم انا جاي اهرج." من وحي التحقيق غدا :)_بخصوص أمر الضبط و الاحضار لمكتب النائب العام. لم يتم  استدعائي لسماع اقوالي قبل اصدار هذا الامر كما هو متبع قانونيا و اجرائيا.1_و فوجئنا بالخبر منشورا في وسائل الاعلام وسنتوجه غدا الاحد الموافق 31 مارس الساعة التاسعة و النصف صباحا  الى مكتب النائب العام لحضور التحقيق._يا جماعة البرادعي جاب سيرتي في تويتة. لولولولولولولولي. شكرا للنائب العام اللي اتاح لنا الفرصة دي
_شقط واحضار


شاهد الفيديو